Cada primeiro de maio acontece en Villafranca del Bierzo a "Festa do Maio". Unha ancestral tradición de orixe pagá que fai referencia a ritos que teñen que ver coa fertilidade e a rexeneración da natureza.
ENTRA MAIO CON SUS FLORES,
SALE ABRIL CON SUS AMORES.
MARZO AIROSO, ABRIL CHUVIÑOSO
SACAN A MAIO FLORIDO E FERMOSO.
O rito de benvida á primavera comeza pola mañá cedo. Córtanse pólas de cantroxo, salgueiro e canas coas que se viste o mozo denominado "Maio", de tal xeito que non sexa recoñecido por ninguén. Acompáñano as "Maias", mozas con coroas de flores. As gaitas de fol faranos danzar.
ESTA CASA É DE CRISTAL
NELA VIVE UN XENERAL
VICHES O MAIO, MÍRALLE BEN
TRES CARALLIÑOS TENOS TAMÉN
As diversas procesións dos Maios parten de diferentes rúas da vila: do Campo da Galiña, da Rúa da Auga, da Rúa do Castelo... pedindo viandas, castañas mailas, pan, chourizo e viño. Rematan a festa cunha merenda.
TIRE CASTAÑAS SEÑORA MARÍA
TIRE CASTAÑAS QUE AS TEN NA COCIÑA.
Despois dun longo percorrido cantando e bailando, todas as procesións conclúen na Praza Maior, alí os Maios son deitados no chan e seguen as cantigas.
ESTE MAIO SEÑORA É
ESTE MAIO ANDABA DE PÉ
LEVÁNTATE MAIO MOITO DURMICHES
PASA UN BURRO E NON O SENTICHES.
Dores CC.
No hay comentarios:
Publicar un comentario